НАШАТА ВИЗИЈА

Визијата на КОРЕКТОР е да се корегира досегашниот систем и начинот на владеење, да се изгради подобро општество со целосно финкционален систем и добро владеење на правото во кое:

Лидерите работат исклучиво за прогресот и интересот на државата, а институциите се целосно транспарентни, дигитализирани и во служба на граѓаните;

Високата корупција е недопустлива и сеќавање на едно темно минато;

Корупцијата на пониските нивоа во институциите е целосно неприфатлива;

Човековите права и слободи се почитуваат во целост;

Нема дискриминација, шовинизам и ксенофобија во било кој облик;

ЕУ интегративните процеси се завршени и како полноправна членка сме дел од европското семејство;

Владее потполна слобода на изразување, медиумите се слободни и независни од влијанието на центрите на моќта;

Изборите се фер и демократски, а граѓаните непречено организираат и учествуваат во процесите на донесување на одлуките;

Младите се во преден план, прекинат е трендот на иселување и континуирано се помага формалното и неформалното образование, претприемништвото, волонтеризмот, нивните идеи и нивниот глас;

Културата и уметноста се составен дел од секојдневието на општеството;

Екологијата и заштитата на животната средина се основни критериуми за развојот.